Hacı Sabir Əkbəri Ciddi: "Hələ Rusiya Federasıyasında bayram elan edilməyib" CANLI YAYIM/YENİLƏNİB1

May 23, 2020 09:24

Giperssilka.ru xəbər verir ki, bir qədər sonra Hacı Sabir Əbrəki Ciddi Rusiyada Fitr byramının elan edilməsilə əlaqdar canlı yayımda olacaq. 22:00 radələrində ediləcək açıqlamalarla bağlı canlı yayını İCRUS TV yutub kanalında izləyə billərsiniz

Giperssilka.ru

2020-05-23 21:24:29

Giperssilka.ru Khamenei.ir-ə istinadən xəbər verir ki, Ali Məqamlı Rəhbərin ofisi bu axşamı bayram gecəsi, sabah, mayın 24-nü müqəddəs Fitr Bayramının günü elan edib. İmam Xameneinin bu fətvası İran, Azərbaycan, Türkiyə və sair ölkələrə şamil edilsə də, bu il Rusiya Federasiyasına aid edilmir. Başqa sözlə, Rusiya üçün bayram hələ ki, elan edilməyib.

Məsələ ilə bağlı “Giperssilka”ya münasibət bildirən Ali Məqamlı Rəhbərin Rusiyadakı nümayəndəsi Hacı Sabir Əkbəri Ciddi bildirib:

“Bu il Rusiyada bayram gününün təyin edilməsi əvvəlki illərdən fərqlənir. Ağanın (Ali Məqamlı Rəhbərin, - red.) özünün nəzərinə əsasən, bu il Rusiya Şəvval ayının ilk gününün təyinində İran üçün verilən fətvaya tabe olmayacaq. Əgər gecə boyu Rusiyanın bölgələrindən bizə Şəvval hilalının görünməsi barədə xəbərlər gələrsə, o zaman biz də bayram edəcəyik, əks halda biz orucumuza davam edirik. Hazırda da Rusiya üçün Fitr bayramının günü hələ ki sabit olmayıb”.

Qeyd edək ki, Fitr bayramının əməllərindən biri də fitrə zəkatının çıxarılmasıdır. Bu il üçün Rusiyada yaşayan müsəlmanlar üçün fitrə zəkatının məbləği 150-250 rubl miqdarında müəyyən edilib.

Giperssilka.ru